कोमामा रहेकी महिलाले बच्चा जन्माएपछि मेडिकल प्रमुखले दिए राजीनामा

एरिजोना । अमेरिकाको एरिजोना राज्यमा रहेको एक नर्सिङ होममा कोमामा रहेकी एक महिलाले बच्चा जन्माएपछि त्यहाँका मेडिकल प्रमुखले आफ्नो पदबाट राजीनामा दिएका छन् ।

कम्पनीले एक विज्ञप्तिमा निर्देशक बिल थोमसनको राजीनामा स्वीकार गरेको जानकारी दिएको छ ।

पीडित महिला फिनिक्स इलाका नजिक रहेको हेसिन्डा हेल्थकेयरको एक क्लिनिकमा करिब एक दशकअघि भर्ना भएकी हुन् । उनी त्यसबेला देखि नै कोमामा रहेका कारण उनलाई हरेक समय हेरचाहको आवश्यकता छ ।

प्रहरीले यो घटनामा यौन शोषण भएका हुनसक्ने भन्दै छानविन सुरु गरेको छ । महिलाको पहिचान भने सार्वजनिक गरिएको छैन । ती महिलाले गत २९ डिसेम्बरमा बच्चा जन्माएको अनुमान गरिएको छ ।

सीबीएस फिनिक्ससँग जोडिएको केपीएचओ–टिभीले एक अज्ञात स्रोतको हवाला दिँदै भनेको छ, ‘हामीलाई भनिएअनुसार महिला चिच्चाइरहेकी थिइन् र उनलाई के भएको हो भन्ने समेत बुझ्न कठिन भएको थियो ।’ ती महिलाले बच्चा जन्माउुअघिसम्म पनि कुनै पनि कर्मचारीलाई ति महिला गर्भवती भएको विषयमा जानकारी थिएन ।

‘यो घटनालाई एउटा भयावह घटनाबाहेक अरु कुनै पनि प्रकारले स्वीकार गर्न सकिन्न,’ कम्पनीको बोर्डका कार्यकारी उपाध्यक्ष ग्यारी ओर्मनले भने, ‘हामी हाम्रो शक्तिअनुसार हरेक एक विरामी र कर्मचारीको सुरक्षा सुनिश्चित गर्नेछौं ।’

न्युयोर्क टाइम्सको नयाँ रिपोर्टपछि यस क्लिनिकमाथि दुव्र्यवहारको आरोप लागेको छ । जसमा विना कपडा या नुहाएको समयमा बिरामीको गोपनियतामाथि ध्यान नराख्ने गरिएको आरोप समेत लागेको छ ।

फिनिक्स प्रहरीका प्रवक्ताले यो घटनाका विषयमा अझै छानविन जारी रहेका कारण केही भन्न नसकिने बताएका छन् । सो क्लिनिकमा नयाँ नियम समेत लागू गरिएको छ ।

अब महिला विरामीको कोठामा पुरष डाक्टर या कर्मचारी कुनै महिलाको साथमा मात्रै प्रवेश गर्न पाउनेछन् । हेसिन्डा हेल्थकेयरले प्रशासनलाई पूरा सहयोग गरिरहेको बताएको छ । एरिजोना स्वास्थ्य विभागले क्लिनिकमा विरामीको निगरानीका लागि निरीक्षक पठाएको र कडा सुरक्षा मापदण्ड लागू गरेको जनाएको छ ।

प्रतिकृया दिनुहोस

राष्ट्रपति ट्रम्प र संसद्बीचको विवाद अझै टुंगिएन

वासिङटन : अमेरिकामा संसद् र राष्ट्रपति डोनाल्ड ट्रम्पबीच देखिएको विवाद साम्य हुन सकेको छैन। यसबाट ट्रम्पले अमेरिका र मेक्सिकोको सीमा क्षेत्रमा

श्रीमतीका साथ रेल चढेर चीन पुगे उत्तर कोरियाली शासक किम

पुस २४, २०७५ अमेरिकी राष्ट्रपति डोनाल्ड ट्रम्पसँगको आगामी सम्मेलनबारे छलफल गर्न उत्तर कोरियाली नेता किम जोङ उन चीन पुगेका छन्। चीनका राष्ट्रपति  सि

चिनियाँ रोबोटिक अन्तरिक्ष यान सफलतापूर्वक अवतरण

काठमाडौं : चीनले चन्द्रमाको यसअघि अध्ययन नगरिएको क्षेत्रमा सफलतापूर्वक रोबोटिक अन्तरिक्ष यान अवतरण गरेको जनाएको छ । उक्त मानवरहित चाँग इ–४ नामक