अन्तरप्रदेश परिषद्को बैठक आज बस्दै

काठमाडौं – अन्तरप्रदेश परिषद्को बैठक आइतबार बस्दैछ । प्रदेश सरकारले अहिलेसम्म गरेका कामकारवाहीको समीक्षा तथा भोग्नुपरेका अप्ठ्याराका विषयमा छलफल गर्न परिषद्को बैठक बोलाइएको प्रधानमन्त्री  तथा मन्त्रीपरिषदको कार्यालयले जनाएको छ । प्रधानमन्त्री केपी शर्मा ओलीले अध्यक्षता गर्ने बैठकमा सातवटै प्रदेशका मुख्यमन्त्रीले आ–आफ्ना प्रदेशमा भएगरेका कामबारे जानकारी गराउने तयारी छ । 

बैठकमा गुनासा र समस्याबारे बैठकमा मिहिन ढङगले छलफल गर्ने तयारी रहेको प्रधानमन्त्री तथा मन्त्रीपरिषद् कार्यालयका प्रवक्ता बिनोद कुँवरले बताउनुभयो । बैठकमा सङ्घीय सरकार र प्रदेश सरकारको काम कारवाहीलाई कसरी समन्वय गर्ने र कसरी नजिता निकाल्ने विषयमा पनि छलफल हुनेछ ।

यसअघि नै बस्ने तय भए पनि संघीय सरकारले प्रदेशहरुलाईं अधिनमा राख्न खोजेको र अधिकार नदिएको भन्दै मुख्यमन्त्रीहरुले भेला गरेर संघीय सरकारलाई दबाब दिने निर्णय गरेपछि असन्तुष्ट बनेका प्रधानमन्त्री ओलीले बैठक स्थगित गर्नुभएको थियो । 

निरन्तरको दबाबपछि प्रधानमन्त्री ओलीले बैठक बोलाउनुभएको हो । बजेट, कर्मचारी तथा साझा अधिकारका विषय सात वटै प्रदेशका साझा समस्या छन् । संविधानविद् डाक्टर विपिन अधिकारीले संघ र प्रदेशबीचमा चिसिएको सम्बन्ध र बढ्दै गएको दूरी घटाउन अन्तर प्रदेश परिषद् बैठक महत्वपूर्ण हुने विश्वास व्यक्त गर्नुभयो । सङ्घ र प्रदेशबीच तथा प्रदेश–प्रदेशबीच राजनीतिक विवाद समाधान गर्न परिषद्को व्यवस्था गरिएको हो । 

प्रतिकृया दिनुहोस

बाइडबडी विमान प्रकरणमा देउवाकाे संलग्नताबारे छानबिन गर : कांग्रेस नेता पाैडेल

काठमाण्डाै - नेपाली कांग्रेसका सभापति शेरबहादुर देउवा बाइडबडी विमान खरिद प्रकरणमा संलग्न रहे/नरहेको बारे छानबिन गर्न वरिष्ठ नेता रामचन्द्र

जिल्ला भ्रमणमा मन्त्रीले सके अढाइ करोड, हवाई यात्रा गर्दा पनि बझ्छन् इन्धन

पुस २६, २०७५ काठमाडौं : प्रधानमन्त्री केपी शर्मालीले नियुक्तिकै दिनदेखि  मितव्ययी बन्न र भ्रष्टाचार नगर्न आफ्ना मन्त्रलीलाई झकझक्यारहेका छन्। तर

अष्ट्रेलियाका लागि नेपाली राजदूत शेर्पा बर्खास्त

अष्ट्रेलियाका लागि नेपाली राजदूत लक्की शेर्पालाई सरकारले बर्खास्त गरेको छ। सोमबार बसेको मन्त्रिपरिषद् बैठकले शेर्पालाई हटाउने निर्णय गरेको हो।