फ्रान्स : इन्धनमा लगाइएको कर तत्कालका लागि फिर्ता

फ्रान्समा इन्धनमा लगाइएको करवृद्धि तत्कालका लागि फिर्ता गरिएको फ्रान्सका प्रधानमन्त्री इडवार्ड फिलिपले बताउनुभएको छ ।

फ्रान्समा इन्धनमा करवृद्धि गरेको भनी विगत दुई हप्तादेखि पहेलो पहिरनधारी सवारी साधन धनीहरूले गरेमा प्रदर्शनले हिंसात्मक रूप लिन थालेपछि सरकारले आगामी ६ महिनाका लागि करवृद्धि फिर्ता लिने निर्णय लिएको हो ।

इन्धनमा बढाएको करका कारण देशको एकता खतरामा पार्न सक्दैन, प्रधानमन्त्री फिलिपले टेलिभिजनमार्फत गरेको सम्बोधनमा बताउनुभयो । उहाँले थप्नुभयो, ‘इन्धनमा गरेको मूल्यवृद्धिको विरोधले सडकमा गम्भीर समस्या उब्जाएको छ र कसैको स्वार्थका लागि भएको प्रदर्शनले नागरिकहरूको स–सम्मान बाँच्न र हिँड्डुल गर्न पाउने अधिकारलाई अन्यायपूर्ण रूपमा बञ्चित गरेको देखियो, तत्कालका लागि निर्णय स्थगित भएको जानकारी यसै सम्बोधनमार्फत गराउन चाहन्छु ।’

उहाँले थप्नुभयो, ‘आगामी दिनमा गरिने आन्दोलनलाई पहिल्यै घोषणा गर्ने र प्रदर्शनलाई मर्यादित तथा शान्तिपूर्ण बनाउन प्रदर्शनकारीलाई आग्रह गरिन्छ ।’
दक्षिणी फ्रान्सको अर्लिसमा सरकारविरोधी प्रदर्शनका क्रममा १० किलोमिटर सडक अवरूद्ध गर्ने क्रममा एउटा भ्यान र ट्रक एक आपसमा ठक्कर खाँदा भ्यानका चालकको मृत्यु भएको थियो भने सरकार विरोधी आन्दोलनमा २ सय ६३ जना घाइते बनेका थिए ।

अर्जेन्टिनामा भएको जी–ट्वान्टी सम्मेलनमा सहभागी भै आइतबार स्वदेश फर्किनुभएका म्याक्रोनले प्रधानमन्त्री, गृहमन्त्री, तथा उच्च अधिकारीलाई बोलाई समस्याबारे जानकारी लिनुभएको थियो ।

राष्ट्रपतिले आफूलाई हिंसा कदापि मान्य नहुने बताउनुभएको थियो । राष्ट्रपतिले दुई दिन पहिले अर्जेन्टिनामा पत्रकारसँगको कुराकानीमा कुनै पनि कारणले सरकारी अधिकारी, पत्रकार र व्यवसायीमाथिको आक्रमणलाई पुष्टि गर्न नसक्ने बताउनुभएको थियो । 

प्रतिकृया दिनुहोस

मुम्बईको अस्पतालमा आगलागी आठजनाको मृत्यु, १४० घाइते

पुस ३, २०७५ भारतको मुम्बईस्थित एक अस्पतालमा आगलागी हुँदा आठजनाको मृत्यु  छ भने १३० जना भन्दा बढी घाइते भएका छन्।  मुम्बईको मरोल क्षेत्रस्थित

जमिनमुनिको पानी धेरै तान्दा के हुनसक्छ? तेहरानको उदाहरण

जमिनमुनिबाट अत्यधिक मात्रामा पानी तान्यो र भूमिगत पानी 'रिचार्ज' हुन पाएन भने त्यसको परिणाम के हुनसक्छ? यसको पछिल्लो उदाहरण इरानको राजधानी

९.२ म्याग्निच्युड भुइँचालोबाट पाठ सिक्दा जोगियो अलास्का

  शनिबार अलास्कामा आएको भुइँचालोले भत्काएको राजमार्ग। तस्बिरः एपी अमेरिकाको अलास्कामा शनिबार ठूलो भुइँचालो गयो। ७ म्याग्निच्युडको भुइँचालोले